Салмагы 265 тонна (пайдалы жуктемемен 295 тонна) контейнерлік порталды кран

МІНДЕТ
Кран жолдары іргетастарының біркелкі емес шөгуін тоқтату. Белгілі бір учаскелерде кран жұмысын тоқтатпай, іргетастарды жобалық жағдайына қайтару.

ТЕХНОЛОГИЯ
PolyJET® инъекциялық әдісімен басқарылатын гидрожарылыс режимінде топырақты нығайту және іргетастарды жоғары дәлдікпен көтеру (лифтинг).

МАТЕРИАЛ
Реакция уақыты 30 секундтан аз топырақты инъекциялауға арналған құрылымдық көбіктенетін PolyJet FT полиуретаны.

СИПАТТАМАСЫ
Кран жолдарының іргетастары біркелкі емес шөгуге ұшырады, бұл кранды пайдалануда қиындықтар туғызып, үздіксіз өндірістік процесті қамтамасыз етуге қауіп төндірді. Күрделілік іргетастар астындағы негіздің біркелкі деформациялық қасиеттерін қамтамасыз ету қажеттілігінде болды, олардың бір жағы бұрыннан шөгіп, жобалық жағдайға көтеруді талап етсе, ал екінші жағында деформациялар анықталмаған болатын.

НӘТИЖЕ
Негізді нығайту, атап айтқанда, статикалық және динамикалық жүктемелер жағдайында деформациялану қабілетін төмендету есебінен іргетастарды тұрақтандыру жүргізілді. Кран жолдары іргетастарының орналасуын 1 мм-ден аз дәлдікпен жобалық жағдайға түзету қамтамасыз етілді. Жұмыстар өндірістік процесті тоқтатпай, кран жұмысы арасындағы интервалдарда орындалды. Ауыр жүк көтергіш контейнерлік кранның үздіксіз және қауіпсіз пайдаланылуы қамтамасыз етілді.

Егер сіз осындай мәселеге тап болсаңыз – тегін кеңес алуға өтінім қалдырыңыз, біз міндетті түрде көмектесеміз.